महामंगलसुत्तं 38 मंगल कामना मराठीत अनुवाद

---------------------------------------------------

🌕      *पौष पौर्णिमा*       🌕 ---------------------------------------------------                          ● *राजा बिंबिसाराची धम्मदीक्षा* ---------------------------------------------------

           पौष पौर्णिमा ही भगवान बुद्धांच्या जीवनात महत्त्वाची ठरली आहे. भगवान बुद्ध आपल्या धम्माचा, तत्वज्ञानाचा प्रसार करीत असताना त्यांचे बरोबर अनेक भिक्षु संघासोबत तथागत भगवान बुद्ध राजगृह नगरातील जेष्ठ वनात राहात होते. उपासक, उपासिका दररोज त्यांचे प्रवचन ऐकण्यासाठी येत असत. ही वार्ता ऐकून राजगृह नगरीचा राजा बिंबीसार आपल्यासाठी आणि आपल्या नगरातील हजारो नागरिक यांचेबरोबर तथागताच्या स्वागताला गेला. जेष्ठ वनात आल्यावर तथागताला वंदन केले आणि तथागताच्या बाजूला बसला. तथागतांचे प्रभावी प्रवचन ऐकून तो भाराऊन गेला आणि विनंती केली, 'मला आपली धम्म तत्वप्रणाली आवडली, मला आपला उपासक करुन घ्या.' तेव्हा तथागतांनी राजा बिंबीसाराला उपासक दीक्षा दिली आणि तो तथागताचा उपासक झाला. त्याने तथागताला आणि त्याच्या संघाला भोजनाचे निमंत्रण दिले. तथागताने राजाला होकार दिला. ठरल्याप्रमाणे तथागत आपल्या भिक्षु संघासोबत भोजनास गेले. राजाने संघाला स्वादिष्ट भोजन दिले. भोजन झाल्यावर तथागताने उपासकांना धम्म उपदेश केला. राजाने आपले वेळूवन तथागताला दान दिले. तेथे भव्य चैत्यस्तूप विहार बांधण्याचा संकल्प केला आणि दरवर्षी पौष पौर्णिमेला राजमहोत्सव म्हणून साजरा करण्याचे आदेश दिले. त्यानंतर धम्मप्रचार आणि प्रसारासाठी आपली धन दौलत त्यांनी खर्ची घातली. अशाप्रकारे धम्म प्रचार, प्रसार केला, म्हणून पौष पौर्णिमा बौद्ध धम्मात साजरी करण्याचे नियोजन ठरले आहे. या दिवशी बौद्ध उपासक उपासिकांनी विहारात जाऊन बुद्ध पूजापाठ करावा. धम्म प्रवचनाचे कार्यक्रम आयोजित करावे. भिक्षुंना भोजन दान करावे आणि दानाचे पुण्य संपादन करावे. व पौर्णिमा च्या दिवशी अष्टशील धारण करावे

  हा बौद्धांचा मंगल दिन आहे. असे पौष पौर्णिमेला बौद्ध धम्मात महत्वाचे स्थान आहे.

          साधु साधु साधु